Диспансер туралы

          Облыстық денсаулық сақтау бөлімінің 1957 жылғы 30 қарашадағы №693 бұйрығымен 1957 жылғы 1 желтоқсанда Петропавл қаласында 100 орындық стационар мен емханасы бар Психоневрологиялық диспансер ашылды. Бас дәрігері болып Гончарова Евдокия Поликарповна тағайындалған болатын. Еңбекші депутаттардың облыстық Кеңесі СҚО Атқарушы Комитетінің 1960 жылғы 21 маусымындағы № 270-Р үкімімен және Қазақ ССР Денсаулық сақтау министрінің 1960 жылғы 25 қазандағы №560 рұқсатымен 100 орындық стационары бар психоневрологиялық диспансер 200 орындық облыстық психоневрологиялық аурухана болып қайта құрылды. Аурухананың жатар орын қоры 400-ден 220 дейін өзгеріп тұрды. СҚО әкімдігінің 2011 жылғы 11 шілдедегі №215 Қаулысы негізінде кәсіпорынның статусы –Қазақстан Республикасы Денсаулық сақтау министрлігі Солтүстік Қазақстан облысы әкімдігінің «Психоневрологиялық диспансері» шаруашылық жүргізу құқығындағы коммуналдық мемлекеттік кәсіпорын болып өзгертілді.

          Солтүстік қазақстан облысы әкімдігінің 19.09.2017 жылғы №377 қаулысына сәйкес Қазақстан Республикасы Азаматтық кодексінің 45 - бабына сәйкес "Облыстық наркологиялық орталық" ШЖҚ КМК қосылу жолымен "психоневрологиялық диспансер"ШЖҚ КМК қайта ұйымдастырылды,15.05.2018 жылы "психоневрологиялық диспансер" ШЖҚ КМК "психикалық денсаулық орталығы"ШЖҚ КМК қайта тіркелді.
          Солтүстік Қазақстан облысының тұрғындарына мамандандырылған психиатриялық және наркологиялық көмекті "психикалық денсаулық орталығы" ШЖҚ КМК және аудандық ауруханалар жанындағы 13 психикалық денсаулық кабинеті және Петропавл қ.емханалары жанындағы "алғашқы психикалық денсаулық орталықтары" жүзеге асырады.

«СҚО әкімдігінің ДСБ» КММ

«Психикалық денсаулық орталығы» ШЖҚ КМК

ПАСПОРТЫ